Members,
Navrataron ki shubh kamnayo ke saath hee ek alag hee tarah ka topic shuru kar rahan hoon jiski mein aap sab se pehle hee kshama maang leta hoon aur mein chahata ki sab log/member iss mein bhag lein.
Jaisa ki aajkal aap sab dekh rahe hain LAL KITAB ke specialist aap ko har gali ki nukaad ,bazar,mohalla ya shehar mein mil jayenge (mein bhee unn mein se hoon aisa mera manana hai, mein appvaad nahi), jinki marzi/ichha ho to apni suee(needle) kee noke(hole) se haathi gujjar jane dein agar marzi na ho to aapke haathi kee punchh bhee na gujrane dein.LAL KITAB ko hum sab samjhane ka daawa to karte hain ,lekin kitna samajh paye hain ,iska kya paimana hai ,yeh sab kuchh hamara hee banaya hua hai.Hum khud hee apni samajh ke anusar har uss baat ka arath nikal lete hain jo humko hamari samjh ke anusar sahi lagti hai, uski kisi se charcha nahi karna chahte ki koi uska fayda na udha le (jabki woh sarasar galat hoti hai).
Kya koi aisee sanstha hai jo ki LAL KITAB kee samajh rakhne walo ko ek hee manch pradan karei aur uska member banane ka gaurav mil jaye to insan(LAL KITAB KE JANKAR) apne aap ko bhagyashali samjhe.Aaj to har aadmi apni dukandari chala raha hai LAL KITAB ke naam par.
Mujh ko aisa lagta hai ki aaj bhee agar kahin LAL KITAB par koi exam ho, aur uss mein pandit jee hissa lete to unko FAIL kar dete.kyonki LAL KITAB kee atma ko hum samjhne ki cheshta hee nahi karte ya kar rahe bas apni apni dhafli ,apna apna raag .kya LAL KITAB issiliye likhi gayee thee ki iss se apni dukandari chalayo , kisi ka bhala ho ya na ho, apni jholi to bhar lo apna bhala to kar lo.Mere khayal se abb samay aa gaya hai ki LAL KITAB ke premi ek manch par ikathe ho aur aapas mein vichar vimarsh karke kuchh hal nikale.
Kya aisa nahi ho sakta ki koi LAL KITAB par seminar kiya jaye yahan par logo ki samasayon ka LAL KITAB ke aadhar par samadhan kiya jaye aur logo se iss ke liye koi paisa/fee na vasool kiya jaye. Sab LAL KITAB ke premion ka mahine mein ek din milna kya mushkil hai ? Yeh camp ya seminar har baar alag alag shehar mein lagaya jaye aur iss par jo kharcha aaye usko divide kiya jaye, sab member ek din iss par baith kar charcha karein ya issi group mein apne vichar pragat kar de to bhee achha hai. Iss se samaj mein jo LAL KITAB ke baare mein bhrantiya failly huee hain woh bhee nikal jayengi aur NAALE PUNYA TE NAALE FALLIYAN wali baat ho jayegi. Iss se Pujya Pandit Jee ne jo kuchh bhee LAL KITAB ko lekar socha hoga shayad pura ho jaye.Sab se pehle mein hee apne shehar LUDHIANA mein camp/seminar rakh sakta hoon, sab zumevari meri , aap sab ka saath chahiye. Apni razamandi avash bheje , lekin ek baar baith kar charch a zaroor kar lein aap jo bhee sthan chunege charcha ke liye mujhe manzoor hoga.
Pujya Pandit Jee aur Lal Kitab ke baare ek baar soche aur apna haath ek baar zaroor badaye .Fir dekhe ki aapki zindgi mein kitna badlav aata hai.
Shubhkamna Sahit
MAHAJAN
Change settings via the Web (Yahoo! ID required)
Change settings via email: Switch delivery to Daily Digest | Switch format to Traditional
Visit Your Group | Yahoo! Groups Terms of Use | Unsubscribe
No comments:
Post a Comment