RESPECTED MEMBERS,
Jaisa ki sab jante hain iss group mein abhi ek mail aayee thee jo ki RATAN JEE ne bheji thee. mein unki baat se sehmat hoon ki hum logo ko aise logo se sawdhan rehne ki zarroot hai jo LAL KITAB ke naam par logo ko bewquf bana rahe hai.
RATAN JEE ne sahi likha hai ki (kisi vajah se mein uss group ka naam nahi likh raha) ek hi vayqkati ne kafi saari fake ids bana rakhi hain aur khud hee mail bhej kar swal karta hai aur khud hee uska jawab de deta hai aur dusri fake ids se uss jawab ki tarif kar deta hai. (aisa mujhe RATTAN JEE ki mail se pata chala hai )
Mein khud bhee uss group ka member rahan hoon lekin meri kafi saari mail kabhee bhee group mein nahi aayee kyonki unko mera iss tarah se likhna ya unko challange karna ki woh LAL KITAB ke anusaar nahi likh rahe, ya jo upay woh bata rahe hain woh galat hain , woh galat kar rahe hai, apne vichar na bataye sirf LAL KITAB ke anusar chale to achha hoga , kyonki unka group hi LAL KITAB ke naam par chal raha hai.
Mein yeh bhee janta hoon ki (abb) kafi sari ids se (shayad)woh iss group ke bhee member ban gaye honge, kyonki jo bhee vishay iss group mein udhta hai woh yahan se hijack ho kar unke group mein bhee chala jata hai, kya unke pass koi dusre vishay nahi hain ya fir unki dukandari ya mazmebazi mein dum nahi raha . Lekin fir bhee ek baat hoti hai ki mazmebaz zyada der tak (ya door tak)nahi chal sakte kyonki sachai akhir mein logo ke sahmne aa hee jati hai aur hamesha se hee sachai jeet hoti aayee hai.
Uss group walo ne meri mail rok kar kya prapat kiya yeh tp wohi jane, ho sakta thaa ki mein hee galat raha hoonga, fir bhee unko yeh chahiye thaa ki meri mail group mein dikhate aur uss par debate karte ki mein galat hoon. Mein sorry kehta aur sharminda bhee hota. Mere baar baar yeh likhne par ki woh apne vichar na pragat karein balki LAL KITAB ke anusar chale to shayad unka aur dusre kafi logo ka bhala hoga.MAZME KA EK ASOOL HOTA HAI KI MAZME MEIN SE (JO MAZMEWALE KA APNA HEE PARTNER/S )KOI EK SWAL KARTA HAI MAZME WALA JAWAB DETA HAI USKE APNE BANDE/PARTNERS JO MAZME KA HEE HISSA BAN KHADE HOTE HAIN TAALI BAJATE HAIN.Dekha dekhi genral public bhee taali bajati hai.Aisa hee kuchh uss group mein chal raha hai.jo unki haan mein haan nahi milata uska kya karna hai , mazma chalane wale khoob jante hain usko uss mazme ki bheed se kisi bhee tarike se nikal diya jata hai.
RESULT:- USS GROUP NE MUJHE BAN KAR DIYA
Abb agar uss group ka koi bhee member ya woh khud yeh mail dekhe to mein apni taraf se hee yeh sujhao (suggestion) deta hoon ki kyon na hum log ek manch par ikathe hokar LAL KITAB ke anusar logo ka bhala karein. Har ek do (1-2) mahine baad jyotish ka free camp lagaya kare aur logo ki samasayon ka hal karein jis se logo ka bhee bhala hoga aur kaun kitne pani mein yeh bhee pata chal jayega.pehla camp unke hee shehar laga diya jaye. fir dusre kisi shehar mein lagaya jaye.kharcha sab mil-baant kar kar lein.
Videsh mein rehne wale jo iss group ke members hain kripya woh bhee jab India aye to unko bhee iss camp mein invite kiya jaye (unke India aane ke samay par aisa camp avash lagaya jaye)agar ho sake to apna progrram pehle bata dein.
YEH TO AISE HO GAYA JAISE JYOTISH KA CAMP LAG HEE GAYA. SAB MEMBERS ISS PAR KRIPYA APNE VICHAR ZAROOR LIKHE.TAKI YEH PATA CHALE KI YEH GROUP ZINDA HAI.AUR ISS GROUP MEIN MAZMEBAZI NAHI CHALTI. YEH GROUP LAL KITAB AUR SACHAI KA DAAMAN NAHI CHHODEGA.
Bhagwan sabka bhala karein aur hum sab ko sadhbudhi de ki hum sahi raste par chale.logo ka jahan tak ho sake bhala karein kyonki yehi LAL KITAB ka asool hai.
Likhne ya kehne mein koi galti ho ya kisi ko meri baton se thes pahunchi ho to kshuma chahta hoon.kyonki jo mere ko sahi laga woh zazbato mein beh kar likh diya abb kya pachhtana.AAP SAB SE MAFI CHAHTA HOON KUCHH KADWA BHEE LIKHA HOGA.
DHANYAWAD
MAHAJAN
No comments:
Post a Comment